Мөслимнең ЮХИДИ хезмәткәрләре балалары республика бәйгесендә катнаша

Әлмәт шәһәрендә юл хәрәкәте иминлеге дәүләт инспециясе хезмәткәрләре һәм аларның гаилә членнары арасында узучы республика иҗат конкурсының зона туры узды. Россия эчке эшләр министрлыгының дәүләт автоинспекциясе оешуга 81 ел тулуга багышланган әлеге смотрда 11 муниципаль район катнашты. Безнең район данын бертуганнар - "Миләшкәй" балалар бакчасына йөрүче Лилиана белән Мөслим лицееның 5 сыйныф укучысы Аделина яклады. Вокал номинациясендә Лилиана конкурсның дипломанты булды, ә Аделина финалга узды һәм конкурсның республика турында катнашу хокукын алды.