Мактауга лаек кешеләр

Ташъелга авылына барганда уң якта беседка -чатыр кала. Аска таба төшсәң чишмәләр бар. Быел аларга Крәш Шуран авыл җирлеге башлыгы Радик Сафиуллин ике улы, туганнары ярдәме белән икенче тормыш бүләк иткән. Күләмле генә төзекләндерү эшләре башкарылган: чүп - чардан арындырылган, тимердән култыксалар ясалган, су алырга җайланган чокыр бетон белән катырылган, таштан стена өелгән. Иҗади композиция кысаларында күл ясалып, анда аккошлар йөзә, суы самаварга агып тора. Биредә түбәтәйле татар бабае да, куян да урын алган. Өч чишмәдән килә торган су бер улакка җыела. Инде чишмәгә төшә торган баскычларны гына урнаштырасы калган. Башлаган эшне төгәлләп, куанычын күрергә язсын.