Кышкы сезон ябылу уңаеннан алкалы хоккей буенча турнир оештырылды

Ярышларда Мөслимнең "Яшьләр", "Ветераннар", "Яшьлек"-Татнефть, "Яшьлек" 2005-2007 командалары катнашты. Беренче урынны Мөслимнең "Яшьләр", икенче урынны "Ветераннар", өченче урынны "Яшьлек" - Татнефть командалары яулады. "Яшьлек" 2005-2007 командасы иң актив команда итеп танылды. Шамил Мирсалихов белән Илназ Харисовка иң яхшы уенчылар исеме бирелде. Рүзәл Ханов - иң яхшы сакчы, Раил Шакиръянов - иң яхшы хөҗүмче, Алмаз Галиев исә иң яхшы капкачы булды. Иң яшь катнашучы исемен - Ришат Хәйдаров, иң өлкән катнашучы исемен Илнур Галиев алды. Җиңүчеләр грамоталар һәм кыйммәтле бүләкләр белән бүләкләнде. Бәйгенең иганәчеләре - Мөслимнең спорт мәктәбе, шәхси эшмәкәр Дамир Гайсин, "Шах" төзелеш материаллары кибете хуҗасы Айрат Шәмсетдинов. Хоккейчыларның тренерлары - Илгиз Софев, Раил Шакиръянов.

Безнең телеграм каналга кушылыгыз! Телеграм-канал

Без "Дзен"да! Дзен