Кошларга ярдәм итәбезме?

Әмәкәй мәктәбе укучылары әтиләре белән бергәләп кошлар өчен җимлекләр әзерләгән. Хәзер аларга җим салып торырга кирәк. Бу эшне дә бик теләп башкаралар. "Кошлар - безнең канатлы дусларыбыз", - диләр алар.

Бу суыкларда сез дә кошларны ашатасызмы? Әйдәгез, #кошларгаярдәмит акциясе игълан итәбез. Җимлек ясап, анда кошлар килүен фотога төшерегез. Шушы хештег ярдәмендә ВКга фотолар куегыз. Без үз чиратыбызда сезнең фотоларны башкаларга да күрсәтербез.

Кыш әле озын, салкыны да күп булыр. Канатлы дусларыбызга исән-имин кышларга барыбыз да ярдәм итә ала.

Фотолар - Әмәкәй мәктәбе архивыннан.