Казандагы Россия - АСЕАН саммиты: 18 июньдә төп вакыйгалар
Россия – АСЕАН саммитының төп чаралары 18 июньдә «Казан Экспо» Халыкара күргәзмә үзәгендә узачак. Россия Президенты ярдәмчесе Юрий Ушаков элегрәк шул хакта хәбәр иткән иде.
Иртән Россия Президенты Владимир Путин форумда катнашучы илләрнең делегация башлыкларын каршы алачак. Шуннан соң лидерлар бергәләп фотога төшәчәк.
Пленар утырыш көннең төп вакыйгасы булыр дип көтелә, аны саммит рәистәшләре – Россия Президенты Владимир Путин һәм Филиппин Президенты Фердинанд Маркос ачып җибәрә. Ачык өлештән соң фикер алышу ябык форматта дәвам итәчәк.
Алга таба программада делегация башлыкларының эшлекле иртәнге ашы каралган, аның барышында Евразиядәге интеграцион процесслар мәсьәләләр хакында фикер алышу ниятләнә.
Моннан тыш, 16-19 июньдә Казанның Уникаль осталык үзәгендә саммитка багышланган «Татарстанда эшләнгән» күргәзмәсе уза. Анда республиканың әйдәп баручы предприятиеләре продукциясе һәм технологик эшләнмә үрнәкләре, шулай ук Татарстанның сәнәгать, фәнни, медицина һәм туристлык потенциалы экспозицияләре тәкъдим ителгән.
Тулырак: https://tatar-inform.tatar/news/sammit-rossiya-asean-v-kazani-klyucevye-sobytiya-18-iyunya-5925209
Фото: © «Татар-информ», Владимир Васильев
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең телеграм каналга кушылыгыз! Телеграм-канал
Нет комментариев