Казан үзәгендә борынгы йола яңара: «Карга боткасы» нинди яңалыклар әзерли?

admin, 16 апрель 2026 - 19:30

109

18 апрельдә Казанның «Туган авылым» милли-күңел ачу комплексында традицион «Карга боткасы» бәйрәме узачак. Бөтендөнья татар конгрессы чараны инде дүртенче ел рәттән үткәрә

Казан үзәгендә борынгы йола яңара: «Карга боткасы» нинди яңалыклар әзерли?

Бәйрәм иртәнге 10:00 сәгатьтә башлана. Рәсми рәвештә ачып җибәрү 11:00 сәгатькә билгеләнгән. 12.30 сәгатьтә бәйрәм боткасы пешеп чыгачак, кайнар коймак белән тәмле чәй дә әзер булачак, дип вәгъдә итә оештыручылар. Бу хакта «Татар-информ» агентлыгында узган матбугат очрашуында сөйләштеләр.

Милли мохит һәм буыннар бәйләнеше

Бөтендөнья татар конгрессы Башкарма комитеты җитәкчесе урынбасары Ирек Шәрипов билгеләп үткәнчә, мондый бәйрәмнәр халкыбызның тарихи хәтерен һәм гореф-гадәтләрен саклау өчен стратегик әһәмияткә ия.

«Милли йолаларны торгызуның өч төп нигезе бар: гаилә, мәктәп һәм мохит. Без «Туган авылым» комплексы белән берлектә ел дәвамында татар халкының традицион бәйрәмнәрен – көзен «Татар чәе» бәйрәмен, кышын «Каз өмәсе»н, ә язын «Карга боткасы»н үткәрәбез. Бу балаларны татар милли мәдәнияте белән таныштыра, борынгы гореф-гадәтләргә, туган ягыбыз табигатенә сакчыл, кайгыртучан караш, ихтирамлылык, мәрхәмәтлелек тәрбияли», – диде Ирек Шәрипов.

Фото: © «Татар-информ», Салават Камалетдинов

Тулырак: https://tatar-inform.tatar/news/kazan-uzagenda-boryngy-iola-yanara-karga-botkasy-nindi-yanalyklar-azerli-5922224

Следите за самым важным и интересным в Telegram-каналеТатмедиа

Читайте новости Татарстана в национальном мессенджере MАХ: https://max.ru/tatmedia

Безнең телеграм каналга кушылыгыз! Телеграм-канал

Без "Дзен"да! Д зен