"Имин көпчәк" бәйгесе

29 апрель көнне Мөслим урта мәктәбе базасында Татарстан Республикасында үткәрелеп килүче "Имин көпчәк" бәйгесенең 1-нче туры узды.

Әлеге бәйге юл хәрәкәте иминлеге дәүләт инспекциясенең район бүлеге һәм мәктәптән тыш эшләр үзәге белән берлектә үткәрелә. Бәйгегә районыбыз мәктәпләреннән 20 команда килгән иде. Катнашучылар, велосипедта төрле каршылыклар аша йөрү, юл кагыйдәләрен төгәл үтәү, төрле очракларда беренче ярдәм күрсәтү бәйгеләрендә көч сынаштылар.

Бәйгедә җиңүче команда 17-21 май көннәрендә Яр Чаллы шәһәрендә узучы республика конкурсында катнашачак.