Фуболчыларыбыз сынатмый

Җәлил эшчеләр бистәсендә 2003 елгы һәм аннан кечерәк үсмер егетләр арасында мини-футбол буенча районара ярышлар булып узды. Безнең район данын 2004 елгы егетләрдән торган "Мирас-1" һәм 2005-2006 елгы үсмерләрдән торган "Мирас-2" командалары яклады. Ярышлардан "Мирас-1" командасы - икенче, "Мирас-2" командасы дүртенче урынны алды. Тренерлары - Илфат Хафизов. "Ярышка барырга мөмкинлек тудырган өчен райондашыбыз Айдар Габидиновка зур рәхмәт белдерәбез", - дип хәбәр итәләр безгә спортчы егетләр.