Яхшылык бүләк ит

Һәр бәйрәм, һәр вакыйга Мөслим картлар һәм инвалидлар интернат-йортында Үзәкләштерелгән район китапханәсе волонтерлары белән кулга-кул тотынышып уза. Инвалидлар декадасында китапханәчеләр чираттагы “Могҗизалар кыры” уенын уздырдылар һәм” Китап -дәва” исеме астында китап күргәзмәсе оештырдылар. “Могҗизалар кыры” уенында катнашучылар мультфильмнарны искә төшерделәр,уенның җиңүчесе - Махнева Л.В. булды.
Соңыннан, өлкәннәр волонтерлар белән бергә баянга кушылып үзләренең яраткан җырларын җырладылар, Д. Нәбиев башкаруындагы җырларны тыңладылар. Саубуллашканда китапханәчеләр өлкән яшьтәге кешеләргә нык сәламәтлек, игелек, иртәгесе көнгә ышаныч белән яшәүләрен, истәлеккә кечкенә сувенирлар тапшырдылар.