«Ярдәм янәшә!» акциясе дәвам итә

Башкарма комитет җитәкчесенең социаль мәдәни мәсьәләләр буенча урынбасары Марина Бадретдинова «Мизгел» яшьләр үзәгендә гуманитар ярдәм җыю пункты эше белән танышты.

Биредә азык-төлек, көнкүреш кирәк-яраклары, кием, медикаментлар һәм башка әйберләр тупланган. Барсы да, битараф булмаган райондашларыбыз ярдәме.

Исемен сер итеп саклауны сораган ханым, «Популярлык өчен түгел, күңел кушканга килдем. Бик аз булса да ярдәм итәсем килде. Гомер буе нидер җыябыз, кем өчен, ни өчен? Дарулар китердем. Кемгә дә булса ярдәмем тисә, бик шатмын»,-дип җыйнап килгән бер пакет әйберсен волонтерларга тапшырды.

«Ярдәм янәшә! Помощь рядом!» республика хәрәкәте белән берлектә мобилизацияләнгәннәргә ярдәм иткән һәркемгә рәхмәтләребезне җиткерәбез!

Айзилә Мөхәммәтҗанова фотосы