Яңа елга чыршы бизәдегезме?

Бәйрәм өчен чыршыны законлы рәвештә урманнан кисү өчен, урман хуҗалыгы белән килешү төзеп, түләү башкарырга кирәк. Бу хакта "Русяев һәм партнерлар" компаниясенең идарә итүче партнеры һәм юрист Илья Русяев хәбәр итте.

Килешүдә урманның төгәл участогы, кисү сроклары, сайланган агачның рөхсәт ителгән биеклеге һәм ботаклар саны күрсәтелергә тиеш.

Юрист билгеләп үткәнчә, мондый процедура Россиянең барлык төбәкләрендә дә актуаль түгел. Урман кодексы ылыслы агачларны әзерләүне урман ресурсларын куллануның аерым төре буларак карый. Гражданин өчен бу, урманга агач өчен чыгу урман хуҗалыгы белән тиешле килешү төзелгән очракта гына мөмкин дигәнне аңлата.

Шулай ук Илья Русяев сөйләгәнчә, шәхси максатлар өчен чыршыны үзең өчен әзерләү гражданнарга урман хуҗалыгына мөрәҗәгать итәргә яки "Госуслуги" порталы аша заявка җибәрергә кирәк.

Урман хакимиятләре белән килешмәгән кисү РФ Административ хокук бозулар кодексының 8.28 статьясы буенча штрафка, ә зур зыян китергән очракта РФ Җинаять кодексының 260 статьясы буенча җинаять җаваплылыгына китерергә мөмкин. Юрист өстәгәнчә, Россиянең кайбер төбәкләрендә шәхси ихтыяҗлар өчен ылыслы агачлар әзерләү тулысынча тыелган.

Гади чыршыны үзең кискән өчен РФ КоАПның 8.28 статьясы буенча штраф каралган:

• гражданнар өчен — 3 меңнән 4 мең сумга кадәр;
• вазифаи затлар өчен — 20 меңнән 40 мең сумга кадәр;
• юридик затлар өчен — 200 меңнән 300 мең сумга кадәр.

Әгәр җинаятьче техник чаралар (бензопила, башка корал) кулланган булса, штраф арта — физик зат өчен 5 мең сумга кадәр.
Мөхим: хокук саклау органнары хезмәткәрләре законсыз әзерләнгән агачны һәм җинаять кылу өчен кулланган коралларны конфискацияли ала.

Җинаять эше

РФ Җинаять кодексының 260 статьясы, урман экосистемасына китерелгән зыян 5 мең сумнан арткан очракта, җәзаны күздә тота:
Зур күләмдә (5 мең сумнан артык зыян) законсыз агач кисү өчен — 500 мең сумга кадәр штраф, ә кайбер очракларда — мәҗбүри эшләр яки ике елга кадәр иректән мәхрүм итү.

Әгәр агач кисү бер төркем кешеләр тарафыннан яки эре күләмдә (50 мең сумнан артык зыян) башкарылса, штрафлар 3 миллион сумга кадәр җитә ала.

Чыганак: МКRU, russian.rt.com сайтыннан. 

Фото – «Татар-информ» архивыннан.