Эвакуация үткәрелде

Татарстан Республикасы территориясендә куркынычсызлык айлыгы  кысаларында 1-10 сентябрь көннәрендә мәктәпләрдә "Иминлек дәресләре" уздыру планлаштырылган.

6 сентябрь көнне Г.Тукай исемендәге Мөслим урта мәктәбендә  янгын чыккан очракта кешеләрне эвакуацияләү буенча укыту-өйрәтү дәресе үткәрелде. Эвакуация дәресе күрсәткәнчә, мәктәпнең администрация составы эвакуация һәм янгын куркынычы факторларына дөрес җавап бирү буенча тиешле күнекмәләргә ия. Чарада барлыгы 500 укучы катнашты.

Фото - "Мөслим-информ" архивыннан