Чыгарылышларның 700гә якын әти-әнисе дәүләт имтиханнарын тапшыру буенча җыелышта катнашты
17-20 гыйнвар көннәрендә 9-11 сыйныф укучылары зона әти-әниләр җыелышлары узды. Анда укучылар үзләре дә катнашты. Мөслим, Тойгелде, Симәк, Күбәк зоналарында барлыгы дүрт җыелыш үтеп, аларда барлыгы 700 гә якын кеше катнашты.
Җыелышларда район мәгариф идарәсе җитәкчесе Рафаэль Демидов та чыгыш ясады. Дәүләт йомгаклау аттестациясен үткәрү тәртибе һәм үзенчәлекләре хакында идарәнең дәүләт йомгаклау аттестациясен үткәрү буенча муниципаль координаторы Лилия Галимова мәгълүмат бирде. Методист-психолог Эльвира Әхмәтҗанова исә укучыларга психологик киңәшләрен бирде һәм күнекмәләр үткәрде. Сарман аграр көллиятенең Мөслим филиалы җитәкчесе Рәшит Кирамов, үз чиратында, укучыларны көллият, уку йорты бирүче һөнәрләр белән таныштырды
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев