Булачак пляж урынында масштаблы эшләр башланып китте

Президент тарафыннан игълан ителгән Татарстанда су саклау зоналары елы кысаларында биредә төзелеш эшләре башланды. Төзелеш республика тарафыннан бирелгән 30 миллион грант акчасына башкарыла. Күпердән алып, элеккеге чүплек урынына кадәр мәйданда реконструкция, төзекләндерү эшләрен башкару планлаштырыла. Эш ике этапта үтәчәк,быел күпердән алып Набережная урамына кадәр җирдә җәяүлеләр өчен асфальт юллар салынып, брусчатка җәелеп, амфитеатр, балалар мәйданчыгы ясалачак. Эшне тизрәк тоту максатыннан оешма-предприятиеларга мөрәҗәгать итеп, халык ярдәме белән төзелешне ике ай эчендә төгәлләү максат итеп куелды.