Балтач районында эпизоотик карантин игълан ителде

Татарстанның Балтач районында хайваннарның котыруына бәйле карантин кертелде. Чикләү чаралары эпизоотик учак ачыкланган Кече Лызи авыл җирлегенә кагыла. Тиешле указ хокукый порталда рәсми рәвештә бастырылган.

Чирнең эпицентры булып Кече Лызи авылындагы шәхси хуҗалык тора. Авыруның таралуын кисәтү максатыннан, зарарлану учагыннан 3 км радиуста карантин зонасы билгеләнде. Аңа Кече Лызи, Карадуан һәм Шубан авыл җирлекләре, шулай ук Балтач бистәсе территорияләре керде.

Норматив документлар буенча, карантин кимендә 60 көн дәвам итәчәк. Исәп авыру хайванның соңгы мәетен юкка чыгару һәм мәҗбүри санитар чаралар комплексын төгәлләү моментыннан башлана.

21 ноябрьдә Татарстан Рәисе Рөстәм Миңнеханов Мамадыш районының Сокол авыл җирлеге территориясендә карантин кертү турында указ имзалады.

Автор: Рената Вәлиева