Бәйрәмнәрдә 12 агулану: Татарстанда алкоголь статистикасы

Яңа ел бәйрәмнәрендә, 29 декабрьдән 11 гыйнварга кадәр, Татарстанда алкоголь һәм спиртлы эчемлекләрдән агулануның 12 очрагы теркәлгән. Бу хакта ТР Роспотребнадзор идарәсенең матбугат хезмәте хәбәр итә.

Аерым билгеләп үтелгәнчә, хисап чорында барлыгы 89 химик этиологияле агулану очрагы теркәлгән. Химик агуланулар ир-атларда ешрак, хатын-кызларда сирәгрәк очраган.

29 декабрьдән 4 гыйнварга кадәрге чорда очраклы агулануларның күпчелеге алкоголь куллану белән бәйле булган (38%). 5 гыйнвардан 11 гыйнварга кадәрге чорда исә агуланулар ешрак даруларны дөрес кулланмау сәбәпле килеп чыккан (55,5%). Калган өлеше бәхетсезлек очраклары һәм башка сәбәпләр арасында бүленгән.

Фото – «Татар-информ» архивыннан.