Әтиләр һәм балалар бер командада: мәктәптә күңелле спорт бәйрәме узды!

Мәктәптән хәбәр итүләренчә, әтиләр һәм балалар бергәләп эстафеталарда көч сынашты: кәрзингә туп ыргытты, туп белән каршылыклы араны узды, капчык киеп йөгерде һәм башка кызыклы биремнәрне үтәде.

Ярышларда җиңүгә омтылыш, спорт дәрте һәм күтәренке кәеф хөкем сөрде. Иң мөһиме – балалар әтиләре белән бергә вакыт үткәреп, онытылмаслык тәэсирләр алды.

Мондый чаралар гаиләдәге бердәмлекне ныгыта, балаларны сәламәт яшәү рәвешенә җәлеп итә һәм әтиләрнең шәхси үрнәген күрсәтә.

Фото – Мөслим урта мәктәбеннән.