16 апрель көнне Тугашта йорт янган

Кичке 9 сәгатьләр тирәсендә мичтә сүнми калган күмерләр ялкынланып янып китә. Янгын хезмәте егетләренең вакытында килеп җитүе өйне тулысынча янып бетүдән коткарып калды. Авылдагы агач йорт дача йорты буларак хезмәт иткән. "Ел башыннан бу инде 10 нчы янгын. Узган ел бу вакытка 4 кенә янгын теркәлгән иде. Халыкның уяусызлыгы, игьтибарсызлыгы бу. Тагын шуны да әйтәсем килә, авылда янгын булганда, халык янгын машинасын каршы алырга чыксын иде. Күп очракта кайсы урамга барырга белми, булган вакытны әрәм итәбез. Әлеге янгын вакытында Табын авыл җирлеге зур ярдәм күрсәтте", - ди Сарман һәм Мөслим районнары буенча күзәтчелек бүлеге начальнигы урынбасары Рушан Фәрхетдинов.