14 февраль көнне "Татарстанның чаңгы юлы" ярышлары үтәчәк

14 февраль көнне Иске Вәрәш авылы янында 10 сәгатьтә "Татарстанның чаңгы юлы" ярышлары үтәчәк. Катнашучыларны теркәү 8 сәгать 30 минутта башлана. Чарага оешма-предприятие, учреждениеләрдә эшләүчеләр, мәктәп укучылары, авыл җирлекләрендә яшәүчеләр чакырыла, ярышта шулай ук чаңгы спортын үз иткән һәркем катнаша ала. Программада: 2016 метрлы дистанциядә узышу, пневматик винтовкадан ату, канат тартышу, чаналарда узышу буенча гаилә эстафетасы, "Бераяклы чаңгычы" конкурсы. Төрле номинацияләрдә җиңүчеләргә район яшьләр белән эшләү һәм спорт бүлегенең истәлекле бүләкләре тапшырылачак. Белешмәләр өчен телефон: 2-59-48.