12 сентябрь көнне барлык Мөселман дөньясы Изге Корбан Гаетен үткәрде

Бу көнне барлык мәчетләрдә дә бәйрәм намазлары укылды, бик күпләр корбан чалдылар.

Корбан гаетенә багышланган бәйрәм чарасы Үзәк мәчеттә үтте. Чара Үзәк мәчетнең имам - хатибы Ринас хәзрәтнең бәйрәм вәгазе белән башланып китте.

Районыбызның имам - мөхтәсибе Мөнир хәзрәт Борһанов изге гарәфә көне, сынаулар һәм Корбан гаете бәйрәменең кагыйдәләре белән таныштырды.

Район башлыгы Рамиль Муллин, барлык райондашларыбызны изге Корбан гаете белән тәбрикләде.

Бәйрәм тәбрикләүләреннән соң, тәкъбир әйтелде, гает намазы укылды.

Шулай ук бу көнне үзәк мәчеттә бертуган Илдус һәм Илгиз Исламовлар гаиләләре 100 кешегә Корбан ашы үткәрде