Соңгы тәүлек эчендә ашыгыч ярдәм бүлегенә 38 мөрәҗәгать булган

Ел башыннан район үзәк хастаханәсенең ашыгыч ярдәм бүлегенә кискен респиратур авыруы, кискен респиратор вируслы инфекция һәм пневмония белән 487 чакыру һәм мөрәҗәгать булган, шуның 39ы гына да соңгы тәүлек эчендә. Бүгенге көндә 30 кеше район үзәк хастаханәсенең терапия бүлегендә дәвалана. Аларның 21енә грипп, кискен респиратор авыруы, 7енә пневмония диагнозы куелган. Балалар бүлегендә вирус авырулары белән 18 сабый дәвалана. 2 февраль көнне "дуңгыз гриппы" авыруына шикләнеп, тагын ике райондашыбыз Яр Чаллы шәһәренең йогышлы авырулар хастаханәсенә җибәрелгән. Районнан әлеге хастаханәгә җибәрелгән 6 кешенең бүгенге көндә 3се тулысынча дәваланып кайткан.