Машина йөртү таныклыгын алу тәртибе гадиләштерелде

Автомобиль йөртүгә хокук таныклыгын 1 апрельдән районның күпфункцияле үзәге аша да алып була. Биредә таныклыкны вакыты чыккан яки югалган очракта, машина йөртүче фамилиясен үзгәрткәндә алыштырырга була. ТР буенча Эчке эшләр министрлыгының дәүләт автоинспекциясе ЮХИДИ бүлекчәсенә машина йөртү таныклыгы алу, алмаштыру һәм башка шундый эшләр белән мөрәҗәгать иткәндә, Бердәм Дәүләт хезмәт порталы gosuslugi.ru сайтыннан файдаланырга киңәш итә. Бу ресурс ярдәмендә гариза бланкларын тутырырга, кирәкле документлар пакетын җыярга, кабул итүгә язылырга мөмкин. Порталга мөрәҗәгать иткән очракта, дәүләт акчалата җыемын түләгәндә, 30 процент ташлама ясала.