Йөзү ярышларында

18-19 ноябрь көннәрендә Минзәлә шәһәрендә "Минзәлә АТПсы" призына йөзү буенча республика ярышлары узды. Ярышларда Татарстан һәм Марий Эл Республикаларының 22 командасыннан 620 спортчы катнашты. Безнең район командасын 4 катнашучы тәкъдим итте. Әлеге ярышларның бурычы - разрядларны үтәү һәм катнашучыларның дистанцияләрдә шәхси вакытларын яхшырту иде. Баһауова Ләйлә 2 нче спорт разряды нормативын үтәде. Хәзерге вакытта команда Лениногорскида узачак ярышларда катнашырга әзерләнә. Команданың тренеры Алмаз Дәүләтшин.

Фото - спорт мәктәбе архивыннан