Армрестлинг буенча республика турнирында катнаштылар

13-15 октябрьдә Яр Чаллы шәһәрендә спорт мастеры Юрий Сорокин истәлегенә армрестлинг буенча республика турниры узды. Турнирда   Татарстан һәм Удмуртиянең 12 командасыннан 260тан артык спортчы катнашты. Турнирда Мөслим спорт мәктәбе кул көрәшчеләре дә уңышлы чыгыш ясады. 70 кг авырлыкта алтын медальне спорт мастерына кандидат Айзат Әхмәдуллин яулады. Илзирә Зиннурова (45кг), Раил Хөснетдинов (65 кг югары), споорт мастеры Илина Бариева (55 кг) көмеш медальләргә лаек булдылар. Салих Сафин (50 кг) һәм Ринас  Ханов (55 кг) бронза яулады. Спортчыларыбыз 1-2 декабрьдә Чистай шәһәрендә узачак Татарстан Республикасы Беренчелегендә катнашачак. Аларга уңышлар телибез!, - дип хәбәр итәләр спорт мәктәбеннән.

Фото - спорт мәктәбеннән