Мөслимлеләргә осталык дәресе үткәрелде

Бүген "Яшьлек" спорт-сәламәтләндерү комплексында скандинавия йөреше буенча күп еллык стажы булган инструктор, спорт туризмы буенча III категорияле судья, сервер йөреше буенча Россия чемпионатында Татарстан Республикасы җыелма командасы тренеры Василий Стрелков мөслимлеләргә осталык дәресе үткәрде.

"Сәламәтлек бишьеллыгы" муниципаль проекты кысаларында оештырылган мастер-класста район Башкарма комитеты җитәкчесенең социаль-мәдәни мәсьәләләр буенча урынбасары Марина Бәдретдинова, җирлегебезнең лаеклы ялдагы ветераннары, балалар һәм яшүсмерләр спорт мәктәбе тренерлары катнашты.