Энергетиклар яшь организмга дошман

Яшьләр энергетик эчемлекләрне күп куллана. Үсеп килүче организм өчен энергетик эчемлекләр җитди куркыныч тудыра. Бу төр эчемлекне балалар һәм яшүсмерләр рационына кертергә ярамый! “Балалар организмы актив үсә, йөрәк-кан тамырлары, нерв системасы, матдәләр алмашы формалаша. Бу чорда зур йөкләнеш куркыныч. Кофеинның югары дозасыннан борчылу, ярсучанлык барлыкка килә, йокы начарлана. Вакыт узу белән бу нерв системасының таушалуына китерергә мөмкин”, – дип кисәтә район хастаханәсенең балалар бүлеге педиатры Гөлнар Хәлилова.

Фото: Татар-информ