Студентлар сәнгать мәктәбенә йөрүчеләр балалар өчен концерт куйдылар

Укытучы өчен иң зур сөенеч, иң зур бүләк - ул укучыларының уңышы.  Мөслим сәнгать мәктәбе укытучылары чын мәгънәсендә зур бүләккә ия булдылар. Төрле елларда мәктәпне тәмамлап, бүген Әлмәт музыка көллиятендә белем алучы баянчы егетләребез концерт белән кайтты. Халык уен кораллары бүлегенең Раилә Әхмәтгалиева hәм Азия Заһидуллина сыйныфларында белем алган чыгарылыш укучылары -  Булат Әхмәтҗанов, Мансур Закиров, Айнур Госманов сәнгать мәктәбенә йөрүчеләр балалар өчен концерт куйдылар. Мәктәп директоры Айгөл Фәттахова егетләргә матур чыгышлары өчен рәхмәтен белдерде, үзебезгә эшкә кайтырга чакырды, - дип язалар сәнгать мәктәбеннән.

Фото - сәнгать мәктәбе архивыннан