Районда 30 участок сайлау комиссиясе эшли

Сайлау участоклары иртән 7.00 сәгатьтә эшли башлады. Тавыш бирү башлану вакытына районда 14897 сайлаучы теркәлгән иде. Һәр сайлау участогында “Бердәм Россия” сәяси партиясеннән һәм ТР Иҗтимагый палатасыннан күзәтүчеләр эшли. Район полиция бүлеге хезмәткәрләре көн дәвамында кизү тора. Көндезге 12.00 сәгатькә районда барлык сайлаучыларның 6267се тавыш бирде. 15.00 сәгатькә 8920 райондашыбыз гражданлык бурычын үтәде. Бу барлык сайлаучыларның 60 процентын тәшкил итә.

Фәридә Гайнетдинова фотосы