Активлыкта тиңнәр юк

Ункөнлек бәйрәм ярминкәсе белән башланды. Ярминкәләрне өлкән буын көтеп ала. Өлкәннәр өчен продукцияне ташламалы бәядән сату оештырылды.
– Ярминкә безнең өчен дуслар, танышлар белән очрашу урыны да булып тора. Шөкер, көн бик матур булды. Ите дә, казылыгы да, балы да бар. Дәртле җырлар тыңлап, рәхәтләнеп ял итәбез, – диде тормыш иптәше белән ярминкәгә чыккан Наил Дәминов.

Өлкәннәр өчен чәй өстәле дә оештырылган иде. Крәш. Шуран, Олы Чакмак, Вәрәшбаш, Исәнсеф авыл җирлекләре өлкәннәрне кайнар коймак һәм башка тәм-том белән сыйлады. 

5 октябрь көнне өлкәннәр район ветераннар советы күчмә кубогына бильярд уйнады. Соңгы елларда бу уен өлкәннәр арасында бик популяр. Бәйгедә Мөслимнән Мәсүфә Шәрипова – беренче, Олы Чакмактан Гөлия Хәертдинова – икенче, Мөслимнән Рәсилә Камалова өченче урынны алды. Ир-атлар арасында беренче өчлектә – Әмәкәйдән Ришат Салихов, Мөслимнән Фәнис Шәмсиәхмәтов һәм Симәктән  Илдархан Вәлиев. 

Лилия Шәймиева

Лилия Шәймиева фотолары.

Тулырак "Авыл утлары" газетасының 2023 ел 13 октябрь санынында укыгыз