Үзәк китапханәдә табиб белән очраштылар

Район китапханәсендә үзәк хастаханә табиб-терапевты Рамил Морзаханов белән очрашу узды. Очрашу барышында табиб ел саен тикшерү - диспансерлаштыру үтүнең  бигрәк тә өлкән яшьтәгеләр өчен мөһимлеген искәртте: "Сез үз авыруларыгыз турында белсәгез дә, яңалары өстәлмәгәненә ышансагыз да, организмны күзәтергә кирәк. Бәлки сезгә дәвалауны, даруларны үзгәртергә кирәктер», – дигән фикерен җиткерде. Өлкәннәр терапевтка үзләрен кызыксындырган сораулар бирделәр.  Алар үләннәр белән дәвалауга, йөрәк-кан тамырлары авыруларын профилактикалауга, коронавирус инфекциясе белән авырганнарга үтәргә кирәк булган тирәнтен диспансерлаштыруга кагылышлы иде.  Дөрес туклану мәсьәләсенә аерым тукталдылар. "Кечкенә өлешләр белән туклану организмга ашказаны-эчәк трактын йөкләмичә тигез эшләргә мөмкинлек бирәчәк. Шул сәбәпле, көнгә өч тапкыр туклануны кечерәк порцияләр белән биш тапкыр кабул иткәндә файдалырак була", - дип билгеләп үтте терапевт. Очрашу ахырында табиб барысына да сәламәтлек һәм яхшы кәеф теләде, – дип хәбәр итәләр үзәк китапханәдән.

Фото – район үзәк китапханәсеннән