Укучылар акциядә катнашты
Район үзәк балалар китапханәсе оештырган акциядә яшүсмерләргә сәламәт яшәү рәвешен пропагандаладылар
Үзәк балалар китапханәсе хезмәткәре «Яшүсмер организмыда наркотик» акциясен үткәрде. Чара наркоманияне профилактикалау һәм үсеп килүче яшь буын арасында сәламәт яшәү рәвешен пропагандалау иде.
- Китапханәче укучыларга наркотик матдәләрнең кеше организмына, бигрәк тә үсеп килүче кеше өчен зарарлы тәэсире, наркотик кулланучыны нәрсә көтүе, наркотик матдәләрне саклаган һәм кулланган өчен җинаять җаваплылыгы турында сөйләде. Очрашу барышында балаларның наркоманиянең зыяны турында белемнәрен тикшерергә һәм тулыландырырга мөмкинлек бирде. Акциядә катнашучыларның барысына да буклетлар тапшырылды, -дип язалар район үзәк балалар китапханәсеннән.
Фото - район үзәк балалар китапханәсеннән.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев