“Яңа елга шигъри теләкләр” дигән видеобәйге

Мөслим-информ “Яңа елга шигъри теләкләр” дигән видеобәйге игълан итә.

Яңа ел алдыннан якыннарыгызны  сөендерәсегез килсә, бәйрәмгә багышланган “Яңа елга шигьри теләкләр”  исемле бәйгедә катнашырга ашыгыгыз.

Бәйгенең таләпләре: Яңа ел чыршысы фонында бәйрәмгә багышланган теләкләрегезне шигырь юлларына салып сәнгатьле итеп сөйләү сорала. Видеоязманың горизонталь рәвештә төшерелүе шарт.

Видеоязмалар 22.12.23 – 09.01.24 аралыгында "Мөслим-информ"ның ВКонтакте төркемендә (vk.com/musluminform) "Предложить запись" төймәсе аша кабул ителә.

10-11 гыйнвар көннәрендә сайтта тавыш бирү оештырыла. Вконтактедагы тавышлар да исәпкә алыначак.

12 гыйнвар көнне бәйгенең 2 җиңүчесе билгеле булачак: иң күп тавыш (+лайк) җыйган һәм жюри ясаган нәтиҗә буенча җиңгән катнашучыларны Кыш Бабайдан бүләк көтә. Һәммәгезгә дә уңышлар телибез!