Җаваплылык бар

РФ Административ хокук бозулар турындагы кодекс нигезендә йорт хайваннарын асрау таләпләрен үтәмәгән өчен административ җаваплылык каралган.

Закон тарафыннан куелган таләпләргә түбәндәгеләр керә:

– күпфатирлы йортларда күршеләрнең хокукларын һәм законлы мәнфәгатьләрен саклау (этнең  чит кеше милкенә зыян китерүе, хайваннарга, кешеләргә һөҗүм итүе);

– йорт хайваннарын урамда йөрткәндә әйләнә-тирәдәгеләрнең иминлеген тәэмин итү (этне борынчыксыз һәм муенчаклы баусыз яки үзен генә урамда, рөхсәт ителмәгән урыннарда  йөртмәү); 

– гомуми файдалану урыннарында җәнлек калдыкларын җыештыру һәм башкалар.

Таләпләрне үтәмәгән өчен гражданнарга – 1500-3000 сум, вазыйфадагы затларга 5000-15000 сум, юридик затларга 15 мең-30 мең сум штраф каралган.

Хокук бозу башка затның эш-гамәлләре нәтиҗәсендә булганда, штраф салынмый. 

Яңа таләпләр гражданнарның иминлеген тәэмин итүгә һәм хайваннар өчен җаваплылыкны арттыруга юнәлтелгән.

Фото – Татар-информ