Рус Шуган авыл җирлегендә халык җыены узды

Алга таба җыелыш Рус Шуган авыл җирлегендә дәвам итте. Җирлек башлыгы Альбина Басорина җыенда катнашучыларны 2024 елда башкарылган эшләр белән таныштырды. Ике ел эчендә мөгезле эре терлек санының кимүен билгеләп үтеп, бу юнәлештә планлы эшләр башкару мөһимлеге дә телгә алынды. Бүгенге көндә Рус Шуган мәктәбендә 20 укучы белем ала. Димәк, авылның киләчәге бар дигән сүз.Авыл халкы җирлектә бердәм булып гомер кичерә. Моны җыенда катнашучылар да ассызыклады. "Җирлек башлыгына рәхмәтлебез. Килеп туган мәсьәләләрне уртага салып хәл итәбез, җирлектә хәл ителмәслек бер проблема да юк", - диде Галина Кривошеева.

Лилия Шәймиева фотосы.