Җирлек башлыкларын сайлау буенча сессияләр узды

Кичә Мөслим авыл җирлеге сессиясе узды.

Район хакимиятенең матбугат хезмәтеннән алынган мәгълүматка караганда, депутатлар каравына кертелгән төп мәсьәлә Мөслим авылы җирлеге башлыгын сайлау хакында булды. Әлеге вазыйфага Альберт Хуҗин тәкъдим ителде.

Шулай ук сессия эшендә Айсылу Мадьярованы - Мөслим авылы җирлеге башлыгы урынбасары, Марат Бәйрхановны Мөслим авылы җирлеге Башкарма комитеты җитәкчесе итеп билгеләргә дигән тәкъдимнәр каралды. Кергән тәкъдимнәр депутатлар тарафыннан бертавыштан кабул ителде.

Районның башка авыл җирлекләрендә дә җирлек башлыкларын сайлау буенча сессияләр узды.

Фотолар - район хакимиятенең матбугат хезмәтеннән.