Интернат-мәктәбе укучылары белән күңелле чара

Инвалидлар декадасына багышланган чаралар планын тормышка ашыру максатыннан  социаль ярдәм бүлегенең гаиләгә һәм балаларга  ярдәм бүлекчәсе белгечләре "Мизгел" яшьләр үзәге каршындагы "Игелек уят" волонтерлар отряды белән берлектә  чара оештырдылар. Сәламәтлекләре чикләнгән Түбән Табын интернат-мәктәбе укучылары белән  спорт чарасы үткәрделәр.
Ярышлар бик күңелле һәм җылы шартларда узды. Балалар бик күп уңай эмоцияләр алды. Һәр команданың җанатарлары  ярышлар дәвамында үз командалары өчен көч биреп тордылар.
Чара ахырында барлык катнашучыларга баллы күчтәнәчләр тараттылар, - дип язалар Түбән Табын интернат-мәктәбеннән.

Фото - Түбән Табын интернат-мәктәбеннән