Штрафларын вакытында түләмәгән

Районның ДАИ инспекторлары хәбәр итүенчә, юл йөрү кагыйдәләрен бозган өчен штрафларын вакытында түләмәгән 39 райондашыбыз мәгълүматлар базасында исәптә тора. Аларның 20енең бурычы 1500 сумнан югары, калганнарыныкы 3 мең сумнан күбрәк. Узган атнада штрафларын вакытында түләмәгән 22 машина йөртүче Административ хокук бозулар турындагы кодексның 20.25 маддәсе, 1 өлеше буенча җаваплылыкка тартылган. 7 кешегә карата суд штрафларын ике мәртәбә арттырып түләргә дигән карар чыгарган. “Беркетмә төзелгәннән соң 60 көн эчендә штрафларын түләмәүчеләр штраф суммасын икеләтә арттырып түләргә тиеш. Шулай ук бурычын түләмәүчеләрне 15 тәүлеккә кадәр кулга алу яки 50 сәгатькә кадәр мәҗбүри эшләргә тарту да каралган”, – ди ДАИ җитәкчесе Феликс Мәгъданов.

Лилия Шәймиева фотосы