Исерек хәлдә руль артына утырган алты кеше тоткарланды

Узган атнада спиртлы эчемлекләр кулланган хәлдә руль артына утырган алты райондашыбыз тоткарланды. Ел башыннан бу сан – 43, аларның икесе – хатын-кызлар. “Алкогольле эчемлекләр кулланып руль артына утырган 43 кешенең алтысы – кабаттан эләгүчеләр, ягъни спиртлы эчемлекләр кулланган хәлдә транспорт белән идарә иткән өчен машина йөртү таныклыгыннан мәхрүм ителгән кешеләр. Алар РФ Җинаятьләр кодексының 264.1 маддәсе 1 бүлегендә каралган җинаять кылуда гаепләнә (административ җәзага тартылган затның алкоголь кулланган хәлдә транспорт белән идарә итүе). Алга таба аларның эшен мировой суд караячак”, – ди районның ДАИ җитәкчесе Феликс Мәгъданов.

Фото Татар-информ архивыннан.