“Автобус” операциясе төгәлләнде

“Автобус” операциясе төгәлләнде. Профилактик чара барышында төзек булмаган транспорт белән юлга чыккан дүрт шоферга административ беркетмә төзелде. Шуларның берсе – автотранспорт йөртү таныклыгыннан мәхрүм ителгән килеш рульгә утырган 1966 елгы райондашыбыз. “Шоферның эше судка җибәрелде. Аңа 30 мең сум күләмендә штраф яисә унбиш тәүлеккә кадәр кулга алыну яисә 100 сәгатьтән алып 200 сәгатькә кадәр мәҗбүри эш яный. Ун көн эчендә алкоголь кулланып рульгә утырган биш кеше тоткарланды. Ел башыннан бу сан 46га җитте”, – ди районның ДАИ җитәкчесе Феликс Мәгъданов.

Фото:Татар-информ