32 райондашыбыз мәгълүматлар базасында исәптә тора

Юл йөрү кагыйдәләрен бозган өчен штрафларын вакытында түләмәгән 32 райондашыбыз мәгълүматлар базасында исәптә тора. Шулардан 25 кешенең бурычы – 1500 сумнан югары, калганнарыныкы – 3 мең сумнан күбрәк. “Ел башыннан штрафларын вакытында түләмәгән 8 машина йөртүче Административ хокук бозулар турындагы кодексның 20.25 маддәсенең 1 өлеше буенча җаваплылыкка тартылды. 2025 елда штрафларын вакытында түләмәгән 38 кешенең эше судта каралды, шуларның бишесе 15 тәүлеккә кулга алынды. Быел 3 мең сум штрафын вакытында түләмәгән бер райондашыбыз 7 тәүлек Яр Чаллы изоляторында утырып чыкты. Беркетмә төзелгәннән соң 60 көн эчендә штраф түләнмәсә, әлеге сумманы икеләтә арттырып түләргә кирәк булачак. Шулай ук бурычын түләмәүчеләрне 15 тәүлеккә кадәр кулга алу яки 50 сәгатькә кадәр мәҗбүри эшләргә тарту да каралган”, – ди ДАИ җитәкчесе Феликс Мәгъданов. 

Фото:Татар-информ