Изү тегәргә өйрәнделәр

«Пушкин картасы» проекты кысаларында үзәк китапханә хезмәткәрләре лицей укытучылары белән берлектә Мөслим политехник техникумының 1 һәм 2 курс студентлары өчен «Борынгы мирас: хатын-кыз күкрәкчәсе - изү» мастер-классы уздырды. Мастер-класс башланыр алдыннан Ләйсән Яхина  балаларга хатын-кыз киемнәре турында сөйләде. Күкрәкчәләрне тегү өчен фетр, энҗе, тәңкәләр, декоратив тасмалар һәм тыгыз тукыма кирәк. Мастер-класста һәр студент үз куллары белән эшләп карады. Моннан тыш, чарада катнашучылар осталык нигезләрен өйрәнделәр, костюм тарихы, традицияләр һәм йолалар белән таныштылар, орнамент үрнәкләренең мәгънәләрен белделәр, - дип хәбәр итәләр үзәк китапханәдән.

Фотолар - район үзәк китапханәсеннән