"Туган -як" агрофирмасы урып-җыю компаниясенә әзер

Авыл хуҗалыгы формированиеләрендә терлек азыгы әзерләү бара. Печән әзерләү, сенаж салу белән бергә яфраказык әзерләү дә дәвам итә. Яфраказык әзерләүдә агрофирмага авыл җирлеге советы һәм бюджет хезмәткәрләре булыша. Хуҗалыклар урып-җыю кампаниясенә дә әзерлек эшләрен алып бара. "Туган як" агрофирмасында сигез "Нью Холланд" комбайны бүгеннән үк урып-җыюга әзер. Хуҗалыкка тагын өч комбайн ремонтланып кайтырга тиеш. Ягулык-майлау материаллары бар, комбайннар механизаторлар белән тәэмин ителгән. Туганяклылар урып-җыю барышында проблемалар булмас, дип ышандыра.