ТР Эчке эшләр министрлыгының коллегия утырышы узды

Башкалабыз Казанда ТР буенча Эчке эшләр министрлыгы ЮХИДИ идарәсенең узган елдагы эшчәнлеге нәтиҗәләренә багышланган коллегия утырышы узды. Республиканың баш автоинспекторы Рифкать Миңнеханов алып барган киңәшмәдә сүз Татарстанда юл йөрү кагыйдәләрен бозган өчен административ штрафларны түләттерү дәрәҗәсе, районнарның ЮХИДИ бүлекләре җитәкчеләренә суд приставлары белән хезмәттәшлек итү мәсьәләләренә булган мөнәсәбәтләрен яңадан карап чыгу турында булды. Рифкать Нургалиевич шулай ук юл йөрү кагыйдәләрен бозу очраклары мониторингы алып бару мөһимлеген дә искәртте. Мөслим ЮХИДИ бүлеге эш нәтиҗәләре буенча икенче урынга лаек булды һәм ТР буенча Эчке эшләр министрлыгының дипломы белән бүләкләнде.

Рәсемдә: ЮХИДИ нең район бүлеге җитәкчесе Айнур Хәйретдинов республиканың баш дәүләт автоинспекторы Рифкать Миңнехановтан бүләк ала.