“Торак” операциясе

Җирлегебездә “Торак” операциясе бара. Мөслим һәм Сарман районнары буенча янгын куркынычсызлыгы бүлеге инспекторлары социаль хезмәткәрләр белән рейдка чыкты. Социаль яктан куркыныч дип исәпләнгән гаиләләргә көнкүрештә янгын куркынычсызлыгы чаралары буенча инструктажлар җиткерелде һәм белешмәлекләр тапшырылды. “2022 ел азагына кадәр күп балалы гаиләләргә һәм ялгыз өлкәннәргә янгын турында хәбәр бирүче автоном җайланмалар кую планлаштырыла. Президент программасы буенча мондый җайланмалар якынча 120 данә кайтыр дип көтәбез”, – ди бүлек инспекторы Вильям Тайбактин.

Фото - https://ru.freepik.com/