Сакланыйк

Кичә район хакимиятенең актлар залында эпидемиягә каршы көрәш комиссиясенең чираттагы утырышы узды. Анда оешма-предприятие, мәгариф учреждениеләре, сәламәтлек саклау системасы вәкилләре соңгы вакытта кискен күтәрелү тенденциясен алган грипп авыруына каршы көрәш турында сөйләште. Бүген хастаханәнең балалар бүлегендә генә дә 18 бала әлеге авырудан дәвалана, аларның икесенә пневмания диагнозы куелган. 2010 елгы бер кыз, авыр хәлдә Яр Чаллы шәһәренең йогышлы авырулар хастаханәсенә озатылып, анда "дуңгыз гриппы" табылган. Бүген укучыларның 8% ы, ягъни 169 ы грипп авыруы белән мәктәпкә йөрми. Саннар арткан очракта, мәгариф учреждениеләре карантинга ябылачак.