Поликлиникада ремонт финал өлешенә җитте

2015 елның июнь аенда үзәк поликлиника өлешендә капиталь ремонт башланып киткән иде. Бүгенге көндә ремонт финишка килеп җитте дияргә була. Ремонт барышы белән танышырга, һәм килеп чыккан сорауларны хәл итү буенча район башлыгы Рамил Муллин "Евростиль" подряд оешмасы эшчеләре белән чираттагы очрашу уздырды. Капиталь ремонтның сыйфаты карарга ТР Баш инвестицион-төзелеш идарәсенең директор урынбасары Рафар Шакиров та килгән иде. Поликлиника бинасының ике катында да барлык коммуникацияләр кертелгән, идән керамогранит белән ябештерелгән, стена өлеше үзәк хастәханә кебек, төрле төсләргә буялган. Җиһаз һәм компьютерлар кайтарып урнаштырасы гына калган. Шулай ук поликлиника территориясендә яшелләндерү һәм төзекләндерү эшләре дә каралган, территориядә аллея, ял итү зонасы һәм фонтан булачак.