Мөслимдә халык җыены узды

Яңа елга инде санаулы гына көннәр калды. Узып баручы 2015 елга бүген чын мәгънәсендә йомгак ясарга була. 22 декабрь көнне район мәдәният йортында узган халык җыены ел әйләнәсе башкарылган эшләргә отчет ясау формасында узды да инде. Район башлыгы Рамил Муллин, район башлыгы урынбасары Ленар Авзалов, район Иҗтимагый советы рәисе Моряк Йосыпов, Мөслим авыл җирлеге башкарма комитеты җитәкчесе Марат Шәймөхәммәтов, халык белән очрашып, җирлек яшәешен анализлады.