Крәш.Шуран һәм Вәрәшбаш авыл җирлекләрендә халык җыеннары узды

Кичә халык җыеннары Крәш.Шуран һәм Вәрәшбаш авыл җирлекләрендә узды. Җыеннарда район башлыгы урынбасары Азат Әхмәтҗанов катнашты. Ул районда һәм республикада 2024 елда узган мөһим чаралар, ирешелгән уңышлар, башкарылган эшләр хакында сөйләде, җыеннарда катнашучыларның сорауларына җавап бирде. Авыл җирлекләре башлыклары узган елда башкарылган эшләр, җирлекләрдәге яшәеш һәм агымдагы елга бурычлар белән таныштырдылар. Участок полиция инспекторлары җирлекләрдәге оператив хәл белән таныштырдылар һәм мошенниклар корбаны булудан саклану турында сөйләделәр. Вәрәшбаш авыл җирлегендә узган җыенда өстәмә чыгыш белән район имам-мөхтәсибе Илгиз хәзрәт Сөнгатуллин һәм Минзәлә урманчылыгы мастеры Илнур Латыйпов чыгышлары да тыңланды.

Фәридә Гайнетдинова фотолары