Авыл хуҗалыгының киңәшмәсе үтте

Бүген район хакимият бинасында ТР авыл хуҗалыгы һәм азык-төлек министры урынбасары Илдус Габдрахманов катнашында киңәшмә үтте.

Киңәшмәдә район башлыгы Рамил Муллин, Органик групп җәмгыяте генераль директоры Илдар Гимадиев, ТР авыл хуҗалыгы һәм азык-төлек министрлыгы белгечләре һәм авыл хуҗалыгы формированиеләре җитәкчеләре катнашты.

Киңәшмә алдыннан Илдус Харисович мөслим районы авыл хуҗалыгы һәм азык-төлек идарәсе җитәкчесе Мисхәт Нәбиевка ТР авыл хуҗалыгы һәм азык-төлек министрлыгының Рәхмәт хатын һәм истәлекле бүләген, Рамил Муллин район башлыгының Рәхмәт хатын тапшырды. Рамил Хәмзович район авыл хуҗалыгы һәм азык-төлек идарәсенең яңа җитәкчесен дә тәкъдим итте. Ул - Хуҗин Альберт Роберт улы. Киңәшмәдә авыл хуҗалыгында эш барышы анализланды, 2016 елга бурычлар билгеләнде. Район хуҗалыкларның язгы кыр эшләренә әзерлеге турында да сөйләшү булды.