Тешең сызласа...

Шалфей төнәтмәсе ясап, җылы килеш авызны чайкарга, сызлаган теш урынында озаграк тотарга кирәк. Ярты сәгать эчендә 3-4 тапкыр шулай чайка­саң, теш сызлавы басылыр.

•  Дуңгыз маен сызлаган тешкә куеп 15-20 минут тотсагыз да, теш сызлавы басыла.
•  Сызлаган теш ягындагы колакка бака яфрагы тамыры куеп, авырту басылганчы тотарга кирәк. Гадәттә сызлау ярты сәгатьтә бетә.
•  Сызлаган тешкә каршы яктагы кулыгызның беләзегеннән йөрәк пульсын эзләп табыгыз, шунда бинт белән вак­лап туралган сарымсак бәйләп куегыз. Сарымсакны марля яисә сал­фетка өстенә салырга кирәк. Бераздан теш сызлавы басылыр.
•  Урт канаганда, ялкынсынганда авызны имән кайрысы һәм юкә чәчәге төнәтмәсе белән чайкарга кирәк. Төнәтмә 2 өлеш кайры һәм 1 өлеш юкә чәчәге кушып ясала. 1 кашык катнашманы 1 стакан кайнаган суда пешереп төнәтәләр һәм сөзәләр. Авызны җылымса төнәтмә белән чайкыйлар.
• Фото - "Мөслим-информ" архивыннан